ಹಾಸನ : ಲಘು ವಾಹನ ಮತ್ತು ಬೈಕ್ ನಡುವೆ ಸಂಭವಿಸಿದ ಅಪಘಾತದಲ್ಲಿ ದಂಪತಿ ಸ್ಥಳದಲ್ಲೇ ಸಾವನ್ನಪ್ಪಿದ ಘಟನೆ ಹಾಸನ ಜಿಲ್ಲೆಯ ಅರಕಲಗೂಡು ತಾಲೂಕಿನ ತೇಜೂರು ಕೊಪ್ಪಲು ಗ್ರಾಮದ ಸಮೀಪ, ಕಣಿವೆ ಬಸವಪ್ಪ ದೇವಸ್ಥಾನ ಬಳಿ ನಡೆದಿದೆ.
ತಾಲೂಕಿನ ಅತ್ನಿಉಪ್ಪಾರಕೊಪ್ಪಲು ಗ್ರಾಮದ ನಿವಾಸಿಗಳಾದ ಪ್ರಕಾಶ್ (38), ಸರಸ್ವತಿ (36) ಮೃತಪಟ್ಟವರು.
ಬೈಕ್‌ನಲ್ಲಿ ಅರಕಲಗೂಡಿನಿಂದ ಅರಸೀಕಟ್ಟೆಗೆ ತೆರಳುತ್ತಿದ್ದರು. ತೇಜೂರುಕೊಪ್ಪಲು ಕಣಿವೆ ಬಸವಪ್ಪನ ದೇವಸ್ಥಾನದ ಎದುರು ಹಿಂಬದಿಯಿಂದ ಲಾರಿ ಡಿಕ್ಕಿ ಹೊಡೆದು ದಂಪತಿ ಮೇಲೆ ಹರಿದಿದೆ.
ಡಿಕ್ಕಿ ಹೊಡೆದ ರಭಸಕ್ಕೆ ದಂಪತಿ ಮೃತದೇಹ ಛಿದ್ರ, ಛಿದ್ರಯಾಗಿದ್ದು, ಸ್ಥಳಕ್ಕೆ ಪೊಲೀಸರು ಭೇಟಿ, ಪರಿಶೀಲನೆ ನಡೆಸಿದ್ದಾರೆ.
ಲಾರಿ ಚಾಲಕನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ , ಅರಕಲಗೂಡು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.
