ಸಕಲೇಶಪುರ: ಭೀಕರ ಅಪಘಾತದಲ್ಲಿ ಬಾಳುಪೇಟೆ ಬಿ.ಸಿದ್ದಣ್ಣಯ್ಯ ಪ್ರೌಢ ಶಾಲೆಯ ದೈಹಿಕ ಶಿಕ್ಷಕರಾದ ವಿಜಯ್ ಅವರು ಮೃತಪಟ್ಟ ಘಟನೆ ತಾಲ್ಲೂಕಿನ ಉದಯವಾದ ಕಿರುವಾಳೆ ಸಮೀಪ ನಡೆದಿದೆ.
ಇಂದು ಶನಿವಾರ ಬೆಳಗ್ಗೆ ಮಕ್ಕಳಿಗೆ ಮಾರ್ನಿಂಗ್ ಕ್ಲಾಸ್ ಇರುವುದರಿಂದ ಬಹಳ ಬೇಗನೆ ಮನೆ ಬಿಟ್ಟಿದ್ದ ದೈಹಿಕ ಶಿಕ್ಷಕರಾದ ವಿಜಯ್ ತಮ್ಮ ಟು ವೀಲರ್ ಬೈಕಿನಲ್ಲಿ ಚಲಿಸುತ್ತಿರುವಾಗ ಹಿಂದೆ ಇಂದ ಕಾಂಕ್ರೀಟ್ ಕೆಲಸ ಮಾಡುವ ಮಿನಿ ವಾಹನ ಹೊಡೆದಿದೆ ಎನ್ನಲಾಗಿದೆ .
ಅಪಘಾತ ಮಾಡಿರುವ ವ್ಯಕ್ತಿ ಗಾಡಿ ನಿಲ್ಲಿಸದೇ ಪರಾರಿಯಾಗಿದ್ದು, ಅಪಘಾತದಿಂದ ದೈಹಿಕ ಶಿಕ್ಷಕರ ಪ್ರಾಣ ಕಳೆದುಕೊಂಡಿದ್ದಾರೆ.
ಮೊದಲು ಸಕಲೇಶಪುರದ ಸಂತ ಜೋಸೆಫರ ಶಾಲೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಶಿಕ್ಷಕರಿಗೆ ಕಳೆದ ಒಂದು ವರ್ಷದಲ್ಲಿ ಸರ್ಕಾರಿ ಉದ್ಯೋಗ ಹಾಗೂ ನೂತನವಾಗಿ ಮದುವೆಯೂ ಆಗಿತ್ತು. ಆದರೆ ವಿಧಿವಶಾತ್ ಯಾರೂ ಊಹಿಸದ ಅಂತಹ ಘಟನೆ ನಡೆದು ಹೋಗಿದೆ.
ಮೃತ ಶಿಕ್ಷಕ ವಿಜಯ್ ಅವರಿಗೆ ಅಪಾರ ಸ್ನೇಹಿತ ವೃಂದ , ವಿದ್ಯಾರ್ಥಿ ವೃಂದ ಇದ್ದು ಸಾಮಾಜಿಕ ಜಾಲತಾಣದಲ್ಲಿ ಬಾರಿ ಸಂತಾಪ ವ್ಯಕ್ತಪಡಿಸಿದ್ದು ., ಇಂತಹ ಒಳ್ಳೆಯ ವ್ಯಕ್ತಿ ಹೀಗಾಗಬಾರದಿತ್ತು ಎಂದು ತಮ್ಮ ಮನದಾಳದ ನೋವನ್ನು ವ್ಯಕ್ತ ಪಡಿಸುತ್ತಿದ್ದಾರೆ.
