ಹಸಿರು ತರಕಾರಿ ಪ್ರಿಯರು ಬಹಳ ಕಡಿಮೆ. ಅದರಲ್ಲೂ ಈಗಿನ ಮಕ್ಕಳಿಗೆ ತರಕಾರಿ ಅದರಲ್ಲೂ ಹಸಿರು ತರಕಾರಿಗಳು ಎಂದರೆ ಅಷ್ಟಕಷ್ಟೇ.
ಹಸಿರು ತರಕಾರಿಗಳಿಂದ ಬಹಳ ಉಪಯೋಗಗಳಿವೆ, ಅದನ್ನು ತಿಳಿದು ನಿಮ್ಮ ಮಕ್ಕಳಿಗೆ, ಕುಟುಂಬದವರಿಗೆ ಹಸಿರು ತರಕಾರಿಯ ಅಮೂಲ್ಯತೆಯನ್ನು ನೀವು ತಿಳಿಸಬೇಕು. ಈ ಹಸಿರು ತರಕಾರಿಯಲ್ಲಿ ಕೋಸುಗಡ್ಡೆ ಬಹಳ ಉಪಯೋಗಕಾರಿ ಇದು ದುಬಾರಿ, ಆದರೆ ನಿಮ್ಮ ಆರೋಗ್ಯವನ್ನು ಕಾಪಾಡಲು ಇದು ಬಹಳ ಸಹಾಯಕಾರಿ.
ಕೋಸುಗಡ್ಡೆಯಲ್ಲಿ ಕ್ಯಾಲ್ಸಿಯಂ ವಿಟಮಿನ್ ಕೆ, ಮೆಗ್ನೀಷಿಯಂ, ಜಿಂಕ್ ಮತ್ತು ಫಾಸ್ಫರಸ್ ಅಂಶ ಹೆಚ್ಚು ಪ್ರಮಾಣದಲ್ಲಿರುವುದರಿಂದ ನಾವು ಹಲವಾರು ಲಾಭಗಳನ್ನು ಪಡೆಯಬಹುದು.
![](https://hassananews.com/wp-content/uploads/2020/11/download285294392392423775124281..jpg)
ಪ್ರಯೋಜನಗಳು:
• ರಕ್ತನಾಳದ ಕಾಯಿಲೆಗೆ ಕೋಸುಗಡ್ಡೆ ಮದ್ದು:
ನಮ್ಮ ದೇಹದಲ್ಲಿ ರಕ್ತ ಸಂಚಾರ ಸರಿಯಾದ ರೀತಿಯಲ್ಲಿ ನಡೆಯದಿದ್ದರೆ ರಕ್ತನಾಳದ ಕಾಯಿಲೆಯಿಂದ ತೊಂದರೆ ಪಡುತ್ತಿವಿ. ಇಂತಹ ಕಾಯಿಲೆ ಇರುವವರು ಕೋಸುಗಡ್ಡೆ ಸೇವಿಸಿದರೆ ಈ ಕಾಯಿಲೆಯಿಂದ ಪಾರಾಗಬಹುದು.
• ಶ್ವಾಸಕೋಶದ ಆರೋಗ್ಯವನ್ನು ಕಾಪಾಡುತ್ತದೆ:
ವಯಸ್ಸಾದವರಿಗೆ ಉಸಿರಾಟದ ಸಮಸ್ಯೆ ಸಹಜ. ಶ್ವಾಸಕೋಶವನ್ನು ಆರೋಗ್ಯವಾಗಿ ಕಾಪಾಡಿಕೊಳ್ಳಬೇಕೆಂದರೆ ಕೋಸುಗಡ್ಡೆ ಸೇವಿಸಬೇಕು.
![](https://hassananews.com/wp-content/uploads/2020/11/download285296315761942510707324..jpg)
• ಜೀರ್ಣಕ್ರಿಯೆಗೆ ಬಹಳ ಸಹಾಯಕಾರಿ:
ಕೋಸುಗಡ್ಡೆ ಯಲ್ಲಿ ಕೊಬ್ಬಿನ ಅಂಶ ಕಡಿಮೆ , ಫೈಬರ್ ಅಂಶ ಬಹಳವಿದೆ ಹಾಗಾಗಿ ಇದು ಜೀರ್ಣಕ್ರಿಯೆಗೆ ಬಹಳ ಸಹಾಯಕಾರಿ. ಇದರಿಂದ ನಾವು ತೂಕ ಕೂಡ ಇಳಿಯಬಹುದು.
![](https://hassananews.com/wp-content/uploads/2020/11/31-1375264283-cabbage9012723809709354375.jpg)
ಕೋಸುಗಡ್ಡೆ ಯನ್ನು ನೀವು ಸೂಪ್, ಸಲಾಡ್ ಅಥವಾ ಗೊಜ್ಜಿನ ರೀತಿ ತಯಾರಿಸಿಕೊಂಡು ಸೇವಿಸಬಹುದು. ಹಸಿರು ತರಕಾರಿಗಳಿಂದ ನಿಮಗೆ ಹಲವಾರು ಲಾಭಗಳು ದೊರೆಯುತ್ತದೆ ಹಾಗಾಗಿ ಹಸಿರು ತರಕಾರಿಗಳನ್ನು ನಿಮ್ಮ ದಿನನಿತ್ಯದ ಆಹಾರದಲ್ಲಿ ಅಳವಡಿಸಿಕೊಳ್ಳಿ.
ತನ್ವಿ. ಬಿ