ಹಾಸನ / ಬೆಂಗಳೂರು : ಕೋವಿಡ್ ಭೀತಿ/ಮಳೆ ಕಾರಣ ದಿಂದಾಗಿ ಭಾಗಶಃ ಸಂಚಾರ ಮೊಟಕುಗೊಳಿಸಿದ್ದ ಬೆಂಗಳೂರು ಹಾಸನ ಕಾರವಾರ ನಡುವಿನ (06211/06212) ಹಗಲು ರೈಲು ಆಗಸ್ಟ್ 16 ರಿಂದ ಹೊಸ ವಿಸ್ಟಾಡೋಮ್ ಕೋಚ್ ಸಹಿತ (40ಸೀಟು)ನೊಂದಿಗೆ ಪುನಾರಂಭಗೊಳ್ಳಲಿದೆ ಎಂದು ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ ಶುಕ್ರವಾರ ತಿಳಿಸಿದ್ದು, ಬೆಂಗಳೂರು ಕಾರವಾರ ಹಗಲು ರೈಲು ಸಂಚಾರವನ್ನು ಮಂಗಳೂರಿನಿಂದ ಕಾರವಾರ ತನಕ ಸ್ಥಗಿತಗೊಳಿಸಲಾಗಿದ್ದು, ರೈಲು ಪುನಾರಂಭಕ್ಕೆ ಪ್ರಯಾಣಿಕರು, ಹಲವು ಸಂಘ ಸಂಸ್ಥೆಗಳು, ಸಾರ್ವಜನಿಕರು ಒತ್ತಾಯಿಸಿದ್ದರು.
ಈ ಸಂಬಂಧ ರೈಲ್ವೆ ಸಚಿವರನ್ನು ಭೇಟಿಯಾದ ಶೋಭಾ ಕರಂದ್ಲಾಜೆ, ಕಾರವಾರ, ಬೆಂಗಳೂರು ನಡುವಿನ ಹಗಲು ರೈಲಿನ ಪುನಾರಂಭಕ್ಕೆ ಮನವಿ ಮಾಡಿದ ನಂತರ ಕೇಂದ್ರ ರೈಲ್ವೆ ಇಲಾಖೆ ಅಧಿಕಾರಿಗಳಿಗೆ ಸೂಚನೆ ನೀಡಿದೆ.
ರೈಲು ಸಂಚಾರ ಆರಂಭದಿಂದ ಪ್ರಕೃತಿ ರಮಣೀಯ ಪಶ್ಚಿಮ ಘಟ್ಟಗಳ ಹಾಗೂ ಕರಾವಳಿಯ ಅರಬ್ಬಿ ಸಮುದ್ರದ ವಿಹಂಗಮ ನೋಟವನ್ನು ರೈಲ್ವೆ ಪ್ರಯಾಣದ ನಡುವೆ ಪ್ರಯಾಣಿಕರು ಎಂದಿನಂತೆ ಕಣ್ಣುಂಬಿಕೊಳ್ಳಬಹುದು ಎಂದು ಶೋಭಾ ಶುಭ ಹಾರೈಸಿದ್ದಾರೆ.
Hassan / Bangalore: Union Railway Minister Shobha Karandlaje on Friday said that the daytime train (06211/06212) between Bangalore Hassan Karavar (06211/06212), which was partially curtailed due to covid/heavy rainfall fears, will resume with the new Vistadome coach (40 seats) from August 16.
